ဘုရားသခင်ပေးသော ဆု
ဆန်ဖာထိ(ကွင်းဘော)
ညဥ့်ငှက်၏ သီဆိုသံများက လွဲပြီး ညသည် တိတ်ဆိတ်ငြိမ်သက်နေလျက် နံရံပေါ်က နာရီလေးကတော့ ချက်ခနဲ့ ချက်ခဲနဲ့ မြည်သံပြုရင်း အချိန်ရထားကြီး ခုတ်မောင်းနေကြဆဲ။.........
“ကို ........ နှစ်သစ်ကို အတူတူကြိုဆိုကြရအောင်နော်’’
ကျမ်းစာကို အာရုံပြုဖတ်နေရင်း ချစ်ဇနီးလေး ‘သက်ထားလင်း ’ ၏ စကားများကို ပြန်လည်ကြားယောင်နေမိတာမို့ ဆရာပြည့်စုံတစ်ယောက် သူ နံဘေးသို့ စောင်းငဲ့ ကြည့်လိုက်မိပါသည်။ ချစ်ဇနီးလေး သက်ထားလင်း တစ်ယောက် သမီးငယ် ဇာဇာနွေးကို ချော့သိပ်ရင်း အိပ်ပျော်သွားပြီထင့်။ သူမ၏ အသက်ပြင်းပြင်း ရှူထုတ်သံကိုပင် သူ ကြားနေရပါ သည်။ ဖယောင်းတိုင်မီး၏ အလင်းရောင်ပျပျအောက်မှာ ချစ်ဇနှီးလေး သက်ထားလင်း၏ မျက်နှာလေးကို သေချာစွာစိုက်ကြည့်နေရင်း ဆရာပြည့်စုံ တစ်ယောက် ရင်ထဲမှာ ဆို့နှစ်ကြေကွဲ သွားပါသည်။ ချစ်ဇနီလေး သက်ထားလင်း၏ မျက်နှာသည် ရှိရင်းစွဲ အသက်ထက်ပိုပြီး ရင့်ရော်နေလျက် လောကဓံတရားသည် အဘယ်မျှလောက် ကြမ်းတမ်းခက်ထန်နေသည်ကို ချစ်ဇနီး၏ မျက်နှာပေါ်က အစင်းကြောင်းအရာများက သူ့ကို လှစ်ပြနေသလိုပင်...... ရင်ဝမှာ ဆို့တက်လာသည့် ဝမ်းနည်းကြေကွဲမှုတို့ကြောင့် ဆရာပြည့်စုံ တစ်ယောက်ခေါင်းကို လေးပင့်စွာ ခါယမ်းလိုက်ပြီး အ်ိမ်ရှေ့ ဝရန်တာဆီသို့ ထွက်လာခဲ့ပါသည်။
ဆရာပြည့်စုံ၏ စိတ်အာရုံများသည် ညလေပြေနှင့်အတူ ပျံ့လွင့်နေပါသည်။ ကောင်းကင် ရင်ဘတ်မှာ ချိတ်ဆွဲထားသည် လခြမ်းပဲ့ကလေးသည် ကဗျာဆန်စွာ သာယာလှပနေပေမဲ့ ဆရာပြသည့်စုံ၏ စိတ်အာရုံးများကို မဖမ်းစားနိုင်ခဲ့ပါ။ ရင်ဝမှာဆို့တက်လာသော သောကအပူမီးတို့ ကြောင့် သက်ပြင်းမောတွေကိုသာ အကြိမ်ကြိမ်ချနေမိလျက် ချစ်ဇနီးလေး သက်ထားလင်းနှင့် မလက်ထပ်ခင်းတုန်းက ဆရာပြည့်စုံ မေးခဲ့ဖူးပါသည်။
“သက် ..... ဓမ္မအမှုတော်ဆောင်နဲ့ယူရင် ဆင်းရဲတယ်တဲ့၊ သက် ဆင်းရဲမှာ မကြောက်ဘူးလား’’
“အမှန်ဝန်ခံရရင် သက်က ပုထုဇဉ်း လူသားမို့ ဆင်းရဲမှာ တအားကြောက်တာပေါ့။ ဒါပေမယ့် ကို့အတွက် ပါရမီဖြည့်ဖက်တစ်ယောက် သက်ဖြစ်ချင်တယ်’’
တကယ်ပဲ ချစ်ဇနီးလေး သက်ထားလင်းသည် ဆရာပြည့်စုံ အပေါ် ပါရမီဖြည့်ဖက် တစ်ယောက်ဖြစ်ခဲ့ပါသည်။ သူ၏ ဝေယျဝစ္စ အကုန်လုံး သူမတစ်ယောက်တည်းသာ ဒိုင်ခံလုပ်ပေးခဲ့ပါသည်။ သားကြီးဆုပြည့်စုံနှင့် သမီလေးဇာဇာနွေးတို့ ရရှိသည့်တိုင်းအောင် အိမ်ကို သူတစ်ချက်လှည့်မကြည့်ခဲ့ရ။ ဆရာပြည့်စုံက အချိန်ပြည့်ဓမ္မအမှုတော်ဆောင်တစ်ယောက်ပါးမို့ အိမ်မှာနေရသည့်အချိန်က အလွန်နည်းပါးလှသည်။ သင်တန်းပေးခြင်း၊ အသင်းတော်အသီးသီးသို့ သွားရောက်ကာ တရားဟောပေးရခြင်း၊ အစည်းအဝေး သွားသက်ရခြင်း၊ သာရေးနာရေးအတွက် ပါဝင် အစေခံရခြင်း စသည်ဖြင့် အချိန်ကုန်လွန်ခဲ့ရပါသည်။ ချစ်ဇနီးလေး သက်ထားလင်းက သူ့အပေါ် မည်သည့်အခါမှ ငြိုငြင်ခြင်း မရှိခဲ့ပါ။ အကြွင်းမဲ့ နားလည်ပေးခဲ့ပါသည်။ သူမသည် မိန်းမတစ်ဦးဖြစ်ပေမယ့်လည်း အလှအပကို မမက်မောပါ။ ရှိတာလေးနှင့် လှပအောင် ဝတ်စားဆင် ယင်ခဲ့ပါသည်။
တနေ့မှာ ချစ်ဇနီးလေးသက်ထားလင်း၏ သူငယ်ချင်းတစ်ယောက်သည် အိမ်သို့ အလည်ရောက်လာခဲ့ပါသည်။
“ ဟဲ့ မိသက်၊ နင်က အရမ်းထက်မြက်တဲ့ မိန်မတစ်ယောက်ပဲ၊ ဒီလိုအခြေအနေနှင့် နေရလိမ့်မည်မှန်း ငါလုံးဝ ထင်မထားဘူးဟာ’’
ဓနိမိုး ထရံကာ၊ ဝါးအိ်မ်လေးကို ကြည့်ပြီး သူငယ်ချင်းဖြစ်သူရဲ့ တအံ့တသြ ရေရွတ်လိုက် သံကို အခန်ထဲမှာ ကျမ်းစာဖတ်နေသည့် ဆရာပြည့်စုံ တစ်ယောက် အတိုင်းအတာ ကြားနေရပါသည်။
“ မိသက် နေစမ်းပါဦး ....၊ နင့်ယောကျာ်းက ဘာအလုပ်လုပ်သလဲဟ၊ ငါ နားမလည်ဘူး’’
“ဓမ္မအမှုတော်ဆောင်လေ’’
“ဓမ္မအမှုတော်ဆောင်ဆိုတာ ဘာလဲဟ၊ ငါနားမလည်ဘူး’’
သူငယ်ချင်းဖြစ်သူက မယုံကြည်သူတစ်ယောက်မ်ို့ စကားအနက်အဓိပ္ပါယ်ကို နားမလည်ပါ။ ချစ်ဇနီးလေး သက်ထားလင်း ချစ်ဇနီးလေးသက်ထားလင်းခများကတော့ ဝင်ငွေအရမ်းကောင်း သည့် သင်းဘောင်္သားကတော် တစ်ယောက်လို ဓမ္မအမှုတော်ဆောင် ဆိုသည့်ဂုဏ်ပုဒ်ကို ဂုဏ်ယူဝင့်ကြွားစွာ အကျယ်တဝင့် ရှင်းပြပေးခဲ့ပါသည်။
“ဪ ... သက်ခများ မျက်နှာ ဘယ်လောက်ငယ်မလဲနော်’’
အခန်းထဲမှာတွေးနေရင်း ဆရာပြည့်စုံ တစ်ယောက် ချစ်ဇနီးအတွက် ဝမ်းနည်းစိတ်မ ကောင်း ဖြစ်နေမိပါသည်။
“ကြည့်ပါလား၊ မိန်မဖြစ်သူက မိန်းမတန်မဲ့ ရုန်းကန်ရှာဖွေလိုက်ရတာ၊ ယောကျာ်ဖြစ်သူက တော့၊ မိုးလင်းမိုးချုပ် စာအုပ် ထူထူမည်းမည်းကြီးကိုပဲ ကိုင်တယ်၊ ဘာအလုပ်ကိုမှ မရှိဘူး၊ အံ့ပါရဲ့’’
ပတ်ဝန်းကျက်၏ ဝေဖန်ကဲ့ရဲ့ရှုတ်ချသံကိုကိုလည်း ဆရာပြည့်စုံ တစ်ယောက် ခါးစည်းခံခဲ့ရပါသည်။ ပတ်ဝန်းကျင်များ၏ ဝေဖန်ကဲ့ရဲ့သလိုပင် မိသားစုအတွက် ဆရာပြည့်စုံ တစ်ယောက် ဘာမှမလုပ်ပေးနိုင်ခဲ့ပါ။ မိသားစုအပေါ် တာဝန်ဝတ္တရား ကျေပွန်သည့် စံပြ အိမ်ထောင် ဦးစီး၊ ဖခင်ကောင်း မဖြစ်ခဲ့ပါ။ ချစ်ဇနီးလေးတို့သားအမိပေါ် အိမ်တဆောင်၊ မီးတပြောင်၊ လူတစ်လုံး သူတစ်လုံး မထားနိုင်ခဲ့ပါ။ အချိန်ပြည့် အမှုတော်ဆောင်မို့ ဆင်းရဲပါသည်။ မဖြစ်စလောက် လစားလေးနှင့် ရံဖန်ရန်ခါ ရတတ်သည့် စာအိတ်ထဲမှ အသပြာ ငွေကြေးအချို့ကို သားအမိတွေ မည်သို့စားသုံးရမည်ကို တွေးမိတိုင်း ဆရာပြည့်စုံ တစ်ယောက် ထမင်းများကို မမျိုချရက်နိုင်တော့ လူကွယ်ရာမှာ ကြိတ်ပြီး ငိုခဲ့ရပါသည်။ မိသားစုအရေး တွေးမိလေတိုင်း ရင်နာခဲ့ရပါသည်။
“သူငယ်ချင်း ဒီမှာနေဖို့ ငါအားလုံးတာဝန်ယူတယ်။ မင်းတုိ့ မိသားစုတွေ လာဖို့ကသာ အဓိက’’
USA မှာနေတဲ့ သူငယ်ချင်းတစ်ယောက်က ဖုန်းဆက်ပြီးအကြိမ်ကြိမ်ခေါ်ခဲ့ပါသည်။ ပုထုဇဉ်း လူသားမို့ ပြည့်ပြည့်စုံစုံ ချမ်ချမ်သာသာ နေချင်ပါသည်။ ကမ္ဘာ့အချမ်းသာဆုံးနိုင်ငံသို့ နေထိုင်ချင်ပါသည်။ သို့သော် ဆရာပြည့်စုံက သာမန်လူမဟုတ်၊ ဘုရာသခင်အတွက် အပ်နှံထားသည့် ဓမ္မအမှုတော်ဆောင် တစ်ပါးဖြစ်ပါသည်။ ကားတိုင်လမ်းသည် မည်မျှ ကြမ်းတမ်းခက်ခဲနေမည်နည်း ကို သိသိကြီးနှင့် သည်လမ်းကို သူရွေးခဲ့ပါသည်။ သည်လမ်းကိုပဲ လျှောက်ခဲ့ပါသည်။ သည်အတွက် ဘယ်တော့မှ နောင်တမရပါ။ တွေ့ကြုံရင်ဆိုင်းနေရသည့် ဆင်းရဲခြင်း၊ အခက်အခဲ ပြဿနာ ပေါင်းများစွာက သူ၏ ယုံကြည်ခြင်းကို ပျက်ပြားစေဖို့ ထိုးစစ်ဆင်ခြင်း အကြိမ်ကြိမ် ခံခဲ့ရပါသည်။ စုံစမ်းနှောက်ယှက်ခြင်း အမျိုးမျိုးကိုလည်း ဘဝမှာ ရင်ဆ်ိုင်ဖြတ်ကျော်ခဲ့ရပါသည်။ သည်ညများ ချစ်ဇနီးလေးသက်ထားလင်းနှင့်အတူ နှစ်သစ်ကို ကြိုဆိုဖို့ ဆရာပြည့်စုံတစ်ယောက် အကောင်းဆုံးပြင်ဆင်ထားပါသည်။ အခုတော့ သောက အပူမီးတွေကြောင့် ဆရာပြည့်စုံ တစ်ယောက် စိတ်မောလူမောခဲ့ရပါသည်။
ပခုံပေါ်က ကျလာသည့် အထိအတွေ့ကြောင့် ဆရာပြည့်စုံ တစ်ယောက် ပျံ့လွှင့်နေသည့် အတွေးမျှင်များ ပြတ်တောက်သွားကာ ပစ္စုပ္ပန်ကို သူသတိရလာပါသည်။ နောက်သို့သူ လှည့်ကြည့်လိုက်ပါသည်။ မည်သည့်အချိန်၌ နိုးနေပြီး မသိတဲ့ ချစ်ဇနီးလေး သက်ထားလင်းက သူ၏ ပခုံးကို ညင်သာစွာ ကိုင်ထားပါသည်။ သူမ၏ အကြည့်မျက်ဝန်းတွေက သူ့ရင်တွင်းတွင် ခံစားနေရသည့် ဝေဒနာများကို စာနာ နားလည်ပေးပါသည်။ သူမက သူမ၏လက်ဖဝါးအစုံကို နွေးထွေးစွာ ဆုပ်ကိုင်ထားပြီး နှစ်သိမ့်မှုများ ပေးနေပြန်ပါသည်။ ထိုအခိုက်မှာ ‘HAPPY NEW YEAR’ ဆိုသည့် လူငယ်များ၏ ကြွေးကြော်သံများကို အဆက်မပြတ်ကြားနေရပါသည်။ နှစ်ယောက် သားကြမ်းပြင်ပေါ်သို့ ဒူးထောက်ကာ ကိုယ်စီိမျက်စိများ မှိတ်ထားကြပါသည်။
“ အိုအဖဘုရားသခင် ...... နှစ်သစ်ကူးကို ကြိုဆိုခွင့်နှင့် ရောက်ရှိခွင့် ပေးသနားတော်မူတဲ့ အတွက် ကျေးဇူးတင်ပါတယ်။ နှစ်ဟောင်းကိုလည်း ခရစ်တော်နှင့်အတူ အောင်မြင်စွာ ဖြတ်ကျော်ခွင့် ပေးတဲ့အတွက် ကျေးဇူးတင်ပါသည်။ အထူးသဖြင့် သမီးအပေါ်မှာ အစစအရာရာ ကောင်းသည့် ခင်ပွန်းကို ပေးသနားတော်မူတဲ့ အတွက် ကိုယ်တော်ရှင်ရဲ့ ကျေးဇူးအပေါင်းကို ရေတွက်ချီးမွမ်းပါတယ်။ ဆက်လက်ပြီးကိုယ်တော်ရှင် သားအပေါ်မှာ ကောင်းကြီးပေးပါ.............
စသည်ဖြင့် ချစ်ဇနီးလေး သက်ထားလင်း၏ နှစ်သစ် ကျေးဇူးတော် ချီးမွမ်းသံလေးကို ဆရာပြည့်စုံတစ်ယောက် ကြားနေရပါတော့သည်။
ဓမ္မအမှုတော်ဆောင် ဆရာ၊ဆရာမ များကို ဂုဏ်ပြုလျက်။
No comments:
Post a Comment